{أبوذيات ثامـــ ألمالكي ــــر}

إعيوني طالبن لجلك وداعآ
وإعيونك علي شغرن وداعآ
تذكر من گلتلي إنت وداعآ
أحس أرض إوسمه إنطبگن عليـــــــــــــــه.
          * * *
رغم ماأشوف يالمحبوب شفتك
اوعسل تنگط يبعدألروح شفتك
تگلي امن ألمحبه إفتك شفتك..؟!
إذا من عدهه ألف چلابه بيه.
          * * *
ليالي ألشوك يالمحبوب ذمتك
اوتكين ألبشر تك مدح ذمتـــك
إشكبر گلي يبعد ألروح ذمتـك
اوتتحمل ذنب چتلك إليه.
          * * *
قلمك ماكتب وآنه إله باريــــت
وامباره ألطفل يهواي باريـــت
عفتني اوبالچذب ماجيت باريت
ذمت إشفافنه العاشن سويه.
          * * *
حبك صار ألف حسبه وحسبه
اويوميه أدوخ آنه وحسبــــه
شخصك مبتعد عني وحسبـه
أقرب حتى من عندي إليه.
          * * *
إعيوني أليوم ياخلي وعنباك
اودوم آنه أهجر ألدنيه وعنباك
لأن تدري امن أشم تينك وعنباك
بعد دوم ألعطش ميمر عليه.
          * * *
نمنه احنه اوسطع خلي اوعينه
وامن ألگمر ماأشخصه اوعينه
گمر يضوي يخي وجهه وعينه
بحر بيه اغرگت من صد عليه.
          * * *

          * * *
إلك وسط الدليل انصبت تمثال
يالشوگك اوعشگك طلع تمثال
يجيلك يوم يالمحبوب تمثال
أمامي اوتنسأل عن كل قضيه
          * * *
من بير الحزن دلوي دليته
اوعجب يادنيه من ايدي دليته
صديجي الما اندل دربه دليته
عگب مندله گاداني امن اديه
          * * *
وينك يالسكنت الروح والعين
أتيه بين حسن البيك والعين
أسب وأشتم أنه ابفرگاك والعن
ابو كلمن بعد شخصك عليه值塉䕔彌䵍彉䉅住彋〲㔰ㄾ7